مقرض سيقار

الاثنين، 14 أبريل، 2014


مقرض سيقار
المقادير
الكيلة اللي استعملتها هي علبة رطل زبدة
كيلتين سميد احرش + كيلة فرينة + ملعقتين كبيرتين جلجلان محمص ومرحي + ملح وشوبة خميرة كيميائية+ كيلة ناقصة شوي زبدة ذايبة وباردة+ ماء زهر+ شحورالطريقة:
نسكب الزبدة وسط المكونات السابقة بعد ما نخلطها مع بعض و نبسسهم مليح وبعد نلموهم بماء زهر و لازم تكون طرية لانها تنشف بع ما ترتاح.
نغطيها بكيس نايلون ونخليها ترتاح 20 د
في هذه الاثناء نحضر التمر بالطريقة المعتادة ونشكله بسمك قلم الرصاص
نبدا العمل نفرش نايلون ونحط العجينة ونغطيها بنايلون ونحلها رقيقة حوالي 2ملم نقص بالسكين الحاشية ونحط التمر اللي شكلناه
باستعمال النايلون نلف لفة ونغلق مليح ونزيد اللفة الثانية ونقطع العجينة بالسكين على شكل سيقار ثم ننقشها
انتهينا من العملية ولازم الحبات يكونوا مغطيين باش ما ينشفوش وما تتشققش العجينة
نقلي المقروض في زيت غزير بلا ما نقلب الحبة يعني تطيب من تحت ومن فوق في نفس الوقت
نخرجهم و نحطهم في الشحور ( لازم يكون ثقيل ) و نرش عليهم الجلجلان


ليست هناك تعليقات:

إرسال تعليق